Луѓето со нулта крвна група се посебни

Ако имате нулта крвна група, вашето генетско наследство ви нуди можност да бидете силни, продуктивни, да имате долг живот и да сте оптимисти.

Оваа група е првобитен тип на крв на нашите предци кои биле лукави и агресивни предатори. Личностите со оваа крвна група играат важна улога во секое друштво, па дури и до денешни времиња. Сепак, кога се под стрес, може да станат лути, хиперактивни и импулсивни. Лошата исхрана, недостатокот од вежбање, нездравите навики или повишеното ниво на стрес ги прави чувствителни на неповолните метаболични ефекти, вклучувајќи и отпорност на инсулин, намалена активност на тироидната жлезда и дебелеење.

Што е она што ја прави нулта крвната група единствена?

Луѓето со нулта крвна група имаат предиспозиции за одредени болести, како што се чировите и дисфункција на тироидната жлезда. Често имаат ниско ниво на хормони на тироидни жлезди и недостаток од јод, хемиски елемент чија единствена цел е да ги регулира хормоните на штитната жлезда. Ова предизвикува многу несакани ефекти, како што се дебелеење, задржување на течности и замор. Исто така, имаат високо ниво на желудочна киселина во однос на луѓето кои имаат други крвни групи, што често доведува до иритација на желудникот и појава на стомачни чиреви.

Во Јапонија, оваа крвна група веќе долго време се поврзува со типот на личноста. Таму дури и на интервју за на работа може да се постави прашањето кој тип на крвна група сте! Луѓето со нулта крвна група најчесто се опишуваат како одговорни, посветени, организирани, фокусирани, совесни и практични. Се верува дека имаат подобра ориентација и дека се подобри логичари, а исто така и нивните предци биле ловци кои морале да набљудуваат и прецизно да го проценат опкружувањето за да може да преживеат.

Подложни на стрес

Поради прекумерниот бес и хиперактивност, може да дојде до стрес. Луѓето со оваа крвна група се подложни на деструктивно однесување кога се премногу уморни, депресивни или кога им е досадно. Тогаш може да се оддадат на коцкање или може да се занимаваат со активности кои го подигнуваат адреналинот, ризикот или импулсивноста. 

Избегнувајте кофеин и алкохол. Кофеинот може посебно да биде штетен поради подигнување на адреналинот и нивото на норадреналин, кои се и онака високи во организмот кај луѓето со оваа крвна група.

Вежбањето е одлично решение, бидејќи има опуштено дејство на целото тело. Повеќе од која било друга крвна група, 0-та крвна група има потреба да биде физички активна поради одржување на здравјето и емоционалните стабилности. Редовната физичка активност е неопходна три до четири пати неделно.

За најдобри резултати, аеробните вежби треба да ги практикувате 30-45 минути најмалку четири пати неделно. Размислете и поставете си цели, било да се на годишно, месечно, неделно или дневно ниво. Така ќе можете да ги контролирате своите импулсивни реакции. Постепено воведувајте и промени во својот начин на живот.